У ззянні агнёў да нас набліжаецца Новы год, любімы ўсімі. Кажуць, калі сам не створыш для сябе святочны настрой – яго не створыць ніхто.
Але гэта не зусім так. Упрыгожваючы населеныя пункты, адміністрацыйныя будынкі, нашы камунальныя службы, арганізацыі і прадпрыемствы дораць свята не толькі сабе, але і іншым. У мінулым годзе па даручэнні старшыні райвыканкама Аляксандра Кохана была набыта новая штучная ёлка, у гэтым – новыя упрыгожванні. Яны радуюць і брагінчан, і гасцей райцэнтра.
Як упрыгожаны ваш населены пункт, будынак або сядзіба? А магчыма, проста акно? Дасылайце свае фотаздымкі, а мы з задавальненнем іх размесцім у нашых сацыяльных сетках.
