Вясновы накцюрн
Які дзень ідзе дождж. Шэрае неба, шэрае наваколле. Ад такога надвор’я і настрой не надта. Вялікдзень адным днём падмігнуў сонейкам, і зноў шэрая будзённасць, здаецца, запаланіла свет.
Ды ці так? Прыгледзьцеся пільней і вы пабачыце, колькі красак дорыць нам вясна; кожнае дрэва зелянее сваім адценнем, кветкі ўсё настойлівей заяўляюць аб сабе і ніякая шэрасць гэтаму не перашкода.
А дождж?.. Ён хутка закончыцца.
Галіна ШАЎЧЭНКА
Фота Вольгі ПАЛЯШЧУК
