Падчас Усебеларускай акцыі “Мы – грамадзяне Беларусі”, якая прайшла сёння ў раённым доме культуры, пашпарты ўручаны 14-гадовым жыхарам Брагіншчыны. Урачыстае мерапрыемства праводзіцца штогод напярэдадні Дня Канстытуцыі Рэспублікі Беларусь.
З пачаткам новага перыяду ў жыцці школьнікаў і гімназістаў павіншавалі інспектар групы па грамадзянству і міграцыі Брагінскага РАУС Кацярына Перавознікава і першы сакратар раённай арганізацыі ГА “БРСМ” Дар’я Сніцарэнка.
Спявалі для прысутных Андрэй Дзядкоў, Ігар Сініла, Ксенія Міхайлава і вакальны калектыў “Галасы дубровы”.
Фота Вольгі ПАЛЯШЧУК