Гэты вынік не толькі ўмацаваў іх пазіцыі ў турнірнай табліцы, але і дадаў статус «цёмнага коніка», прымусіў сапернікаў сур’ёзна асцерагацца.
З першых хвілін гульні брагінчане задалі настолькі высокі тэмп, што «4FUN» апынуўся ў стане поўнай дэзарыентацыі. Землякі ўпэўнена кантралявалі мяч, рабілі дакладныя камбінацыі, а імклівыя контратакі сталі невырашальнай задачай для абароны сапернікаў. Гульня «Легіёна» нагадвала адзіны зладжаны механізм. Кожны элемент быў адточаны да дакладнасці, і гэта няўхільна вяло да мэты – варот саперніка. Да перапынку сітуацыя на табло гаварыла сама за сябе: 10:0 на карысць землякоў.
Другая палова сустрэчы прынесла камандзе «4FUN» галявыя моманты, хоць і не змяніла агульнай карціны разгрому.
– Пасля першага тайма мы расслабіліся, якраз у гэты момант сапернік змог правесці некалькі контратак і рэалізаваць свае моманты, – патлумачыў уратар брагінчан Пётр Сачанка.
Нягледзячы на гэта, канчатковага пералому ў гульні не адбылося. Упэўненая і агрэсіўная гульня землякоў цалкам зламала праціўніка як маральна, так і фізічна. Такая інтэнсіўнасць выклікала замяшанне ў шэрагах «4FUN», што прывяло да страты канцэнтрацыі і далейшых прапушчаных мячоў.
Пётр Сачанка падкрэсліў, што іх гульня стала поўнай нечаканасцю для большасці ўдзельнікаў лігі.
Пасля пяці праведзеных матчаў «Легіён» упэўнена займае 4-е месца ў сваёй групе, працягвае нарошчваць абароты. Гульцы адзначаюць, што гэтыя поспехі – плён упартых трэніровак і каманднага духу. Брагінчане нацэлены змагацца за самыя высокія месцы ў Рэчыцкай лізе і даказваць: яны могуць стаць самымі небяспечнымі і яркімі прэтэндэнтамі на чэмпіёнскі тытул.
Самыя цікавыя і важныя навіны шукайце ў нашых сацыяльных сетках: TikTok, Instagram, VK, Одноклассники, Telegram, Facebook.
