Зіма нарэшце заявіла пра сябе, укрыўшы зямлю белым покрывам. З прыходам халадоў брагінчане з задавальненнем аддаюцца любімым сезонным забавам: катанню на каньках, лыжах і, вядома ж, гульні ў хакей. Каток ДЮСШ Брагінскага раёна ўжо прымае аматараў актыўнага адпачынку.
Ён пачаў працаваць з канца снежня і стаў цэнтрам прыцягнення жыхароў і гасцей Брагіна. Сем’і, кампаніі сяброў, спартыўныя каманды – тут кожны можа атрымаць асалоду ад любімага занятку. Адны грацыёзна выпісваюць піруэты на лёдзе, другія робяць свае першыя няўпэўненыя крокі, а нехта азартна ганяе шайбу, змагаючыся ў таварыскім матчы.
На катку пануе атмасфера свята і весялосці, гучыць задорная музыка, а яркія агні асвятляюць пляцоўку ў вячэрні час. Гэта выдатнае месца для таго, каб навучыцца ўпэўнена стаяць на каньках, асвоіць складаныя элементы фігурнага катання ці закінуць вырашальную шайбу ў вароты саперніка. А работнікі ДЮСШ клапоцяцца аб належным стане лёду.
Калі вы яшчэ тут не былі, то клічце сяброў і блізкіх і далучайцеся! А калі ў вас няма канькоў – не бяда. Іх можна ўзяць напракат прама на месцы.
