З прывітальным словам да прысутных звярнуўся старшыня райвыканкама Сяргей Карпенка. У сваім выступленні ён падкрэсліў шматграннасць ролі сучаснай жанчыны, яе ўменне гарманічна спалучаць прафесійныя дасягненні і клопат пра сям’ю.
– Вы – аснова нашага грамадства, вы дорыце жыццё, напаўняеце свет прыгажосцю і сэнсам, – адзначыў Сяргей Вячаслававіч.
Кіраўнік раёна пажадаў прадстаўніцам прыгожага полу моцнага здароўя, бязмежнага шчасця і поспехаў.
Музыкальныя кампазіцыі ў гэты дзень гучалі ад артыстаў раёна.
