З надыходам зімы наваколле ахутвае велічнае белае покрыва, напаўняючы свет чараўніцтвам і таямнічасцю. У чым жа зімовы сакрэт? Можа, у гэтых бялюткіх палях, на якіх, як на чыстым аркушы паперы, хочацца пачаць пісаць новую старонку жыцця?.. І кожная сняжынка, якая асядае на далонях, нагадвае пра прыгажосць гэтых дзён.
Снежань – месяц, калі людзі падводзяць вынікі года і будуюць планы. Жадаем, каб зіма прынесла ў вашыя дамы святло і радасць, напоўніла іх цяплом і любоўю.
