Яе фінальным акордам сталі спаборніцтвы па дартсе і стральбе з пнеўматычнай вінтоўкі, якія прайшлі на базе ДЮСШ. Удзельнікі дэманстравалі не толькі фізічную падрыхтоўку, але і вытрымку, канцэнтрацыю і стратэгічнае мысленне.
У напружаных баталіях па дартсе сярод жанчын лепшай стала Аліна Шчучэнка, якая вырвала перамогу ў Наталлі Рак. У мужчын першынство святкаваў Аляксей Раманюк, за ім – Сяргей Фурс і Сяргей Сялецкі.
Не менш напружанай была барацьба ў стральбе з пнеўматычнай вінтоўкі. На вышэйшую прыступку п’едэстала зноў паднялася Аліна Шчучэнка, на другім месцы – Любоў Рубаха, на трэцім – Вольга Сняткова. У мужчын лепшы вынік паказаў Юрый Сняткоў, які апярэдзіў Аляксея Раманюка і Сяргея Шынкарэнку.
Гэтыя спаборніцтвы сталі кульмінацыяй спартакіяды, у рамках якой брагінчане змагаліся ў розных відах спорту. Па выніках года перамогу святкавала каманда Брагінскай школы, другое месца заняла Малейкаўская, а бронза дасталася ДЮСШ.
– Хочацца выказаць падзяку ўсім, хто на працягу года дэманстраваў спартыўны дух і волю да перамогі. Я ўпэўнены, што гэтыя спаборніцтвы стануць добрым стымулам для далейшага развіцця спорту ў нашым раёне, – падвёў вынікі старшы інспектар райвыканкама Юрый КРЫВАРУЧКА. – Спартакіяда – не проста мерапрыемства, а важны элемент фарміравання здаровага ладу жыцця. Мы прадоўжым надаваць увагу і традыцыйным відам спорту, і такім дысцыплінам, як дартс і стральба. Поспехі нашых атлетаў гавораць аб імкненні да высокіх вынікаў і зацікаўленасці ў спорце.
