Згодна са звесткамі, апублікаванымі на сайце International IQ Test, абноўлены рэйтынг фарміраваўся на аснове вынікаў звыш 1,2 млн чалавек, якія прайшлі адзіны стандартызаваны тэст на працягу 2025 года. У даследаванне ўвайшлі 137 краін, што робіць яго адным з самых маштабных параўнальных праектаў у галіне ацэнкі інтэлекту. Сярэдні IQ, які прымаецца за разліковы, склаў 100.
Беларусь заняла 17-е месца з сярэднім вынікам у 101,05, што дазволіла ёй умацаваць пазіцыі ў групе дзяржаў з высокім узроўнем інтэлектуальнага развіцця насельніцтва. Яна прыкметна апярэджвае сваіх бліжэйшых суседзяў. Напрыклад, Літва заняла ў рэйтынгу 30-е месца з паказчыкам 99,95, Польшча – 40-е (99,14), Латвія – 43-е (99,01), Украіна – 84-е (95,66).
Аналітыкі звязваюць гэта з традыцыйна высокім узроўнем базавай адукацыі, шырокім ахопам школьнікаў натуральна-навуковымі дысцыплінамі і ўзрастаючай цікавасцю моладзі да IT-спецыяльнасцей. У апошнія гады ў нашай краіне актыўна развіваюцца STEM-напрамкі, інжынерныя алімпіяды і лічбавыя адукацыйныя праекты.
Лідарам сусветнага рэйтынгу стала Рэспубліка Карэя (106,97), на другім месцы размясціўся Кітай (106,48), замыкае тройку Японія (106,3).
Самыя цікавыя і важныя навіны шукайце ў нашых сацыяльных сетках: TikTok, Instagram, VK, Одноклассники, Telegram, Facebook, Viber.
